Clasicos Alsasua taldeak, hainbat babesleren laguntzarekin 3. Auto eta Motor Klasikoen Topaketa antolatu du bihar, larunbatean, Altsasuko Zumalakarregi plazan. Helburua halako ibilgailuak dituzten gidariak bildu, euren auto eta motorrak erakutsi eta ikusgai jarri, Sakanatik barna buelta polita eman eta mahai inguruan biltzea da, motorzaleen festa polita ospatzeko. Antolatzaileek autoak gertutik ikustera gonbidatu dituzte sakandar guztiak.
Egitaraua
9:30ean: Auto eta motor klasikoen topaketa Zumalakarregi plazan.
11:00etan: Parte hartzaileendako eta lagunendako auzatea.
12:30ean: 25 km inguruko ibilbidea. Bueltan Altsasuko Foru Plazan elkarketa eta trikitixekin poteoa.
14:15ean: Plazako kioskoan parte-hartzaileendako zozketak.
15:00etan: Bazkaria Gure Etxean (helduek 20 euro eta haurrek 10 euro)
Larunbatean, 9:30ean, Zumalakarregi plazan