Guadalupeko Ama, Extremadurako patroiaren festa ostegunetik, irailaren 8tik, larunbatera aurreratu du La Encina Extremadurako kultur elkarteak. Biharko ospakizunak San Juan ermitan hasiko dira, kantatutako mezarekin, 11:00etan. Hura despeditu ondoren, adiskidantza giroan, bildutakoendako auzatea izanen da ermitako zelaian, 12:30ean. Txerria hil zutenean egindako produktuak dastatuko dituzte. Ermita ingurutik elkartearen egoitzara lekualdatuko da ospakizuna. Izan ere, 14:30ean bazkaria izanen dute. Bazkal ondorena Iruñeko Extremadurako Etxeko dantza taldeak alaituko du.