Ostegunean afizionatuen txirrindularitza proba jokatu zen Altsasuko festetan eta larunbatean txikienek hartuko dute lekukoa. Burunda Txirrindularitza Taldeak antolatuta, eskolarteko txirrindularitza proba egongo da jokoan, 17:00etatik aurrera, Zumalakarregi plazan eta inguruetan. Ginkana eta lasterketak izanen dituzte aurrez aurre kategoria txikietatik hasita haurren mailaraino.