Saoi berria abiaraziko du Intxostiapunta gaztetxokoak bihar. Denboraldi berria musteko Altsasuko Udaleko Gazteria Zerbitzuak irekiera festa antolatu du. Intxostiapuntatik bihar 17:00etatik 1:00etara pasatzen direnek musikarekin, jokoekin, karaokearekin eta afariarekin gozatzeko aukera izanen dute. Afaltzera animatzen direnek 3 euro ordaindu beharko dituzte.
Bestetik, Intxostiapunta gazte guneak ordutegi berria mustuko du ikasturte honetan: astelehenetik ostegunera eta domeketan eta jai egunetan 17:00etatik 21:00etara izanen da zabalik; ostiraletan eta larunbatetan, berriz, 17:00etatik 22:00etara. Azkenik, Gazteria Zerbitzuak jakinarazi du hilaren 23an, 18:00etan, ate irekien eguna eginen dutela.
