Asteburuan erregional mailako liga despeditu zen. Altsasuk Pamplona taldea izan zuen aurkari. Gogoekin atera ziren zelaira Altsasukoak eta gol aukera politak sortu zituzten, baina Pamplona B izan zen markagailuan aurreratu zena. Hala ere, Patxik bana berdintzea lortu zuen eta altsasuarrek markagailuari buelta emateko aukera ere izan zuten, baina Pamplona B-ko atezainak eta punteria faltak ekidin zuten. Bigarren zatia hasi eta berehala bigarren gola sartu zuen Pamplonak. Altsasukoek erasoan jarraitu zuten, baina Pamplonak defentsa sendoa egin zuen eta azkenean, 4 eta 1 irabazi zion Pamplona B-k Altsasuri.
Hurrena, Kopa
Erregional mailako 1. multzoko liderra San Jorge izan da (42 puntu). Hain zuzen ere, preferente mailara igotzeko ligaxkarako sailkapeneko lehen bost taldeak sailkatu dira: San Jorge, Lagunak, Ardoi, Pamplona eta Amaya. Altsasu zazpigarrena sailkatu da (18 puntu) eta ez du igoera fasea jokatuko. Martxoaren hasieran abiatuko den Kopan arituko da Altsasu.
Erregional mailako liga despedituta: Altsasu zazpigarrena
Erregional maila. 18. jardunaldia: Pamplona B 4 – Altsasu 1