Ohitura denez, Erkudengo Ama erromeriaren hurrengo igandean Bargagaineko bidea hartzen dute Altsasuko mendizaleek. Aurreko igandean izan zen Erkudengo erromeria. Beraz, etzi izanen da Altsasuko Mendigoizaleak taldeak antolatutako LVI. Bargagaingo Igoera.
Ohi denez, igandean goizeko 09:00etan jaurtikiko dute suziria, Bargagainera abiatzeko. Alkateak jaurtikiko du, udaletxetik. 09:30ean hamarretakoa egingo dute gazteluan, eta behin Bargagainera igota (1.156 m), goizeko 11:00etan meza izanen da, nahi dutenendako. Ondoren, eguerdian, auzatean bilduko dira mendizaleei batuko zaizkien guztiak. Auzatean gazta, txorizoa eta urdaiazpikoa banatuko dira eta Altsasuko Udalak zilarrezko katiluetan dastatzeko ardoa eskainiko du. Zortzikoari ekin baino lehen, talde argazkia aterako dute Altsasuko atxilotuei eta auzipetutakoei babesa emateko. Txoko guztiak garbi-garbi utzi ondoren, Altsasura jaitsiko dira bazkaltzera.
Igandean Bargagainera
Altsasuko Mendigoizaleak taldeak denboraldiaren bukaera ospatuko du Bargagaineko gurutzean (1.156 m)