guaixe.eus

La Encinak kultur jardunaldiak antolatu ditu

  Kultura  Altsasu

Gaur hasi eta domekara arte ospatuko dira

Extremadurako kultur elkarteak urtero ohi duen moduan kultur jardunaldiak antolatu ditu. Haiek abiarazteko Jose Andres Alvaro Okariz pregoia irakurriko du gaur, 19:00etan. Gipuzkoarra Extremadurako kultura zabaltzen lagun izan dute eta jardunaldi hasieran erkidegoaren geografia fisiko eta espiritualaz ariko da. Horren ondoren, 20:00etan, Guadiana erriberako ardo ibilbideko cavak eta ardoak dastatu aukera izanen da. Bihar, 14:00etan, berriz, adiskidantza bazkaria hartuko du elkarteak. Bazkal buruan animazioa izanen da.

Domekan, 12:30ean, Extremadurako folklore jaialdia eskainiko du Iruñeko Extremadurako Etxeko Raices y Brostes dantza taldeak. Iortia kultur gunean izanen da saioa. Hura despedituta dantzariek, Nafarroako Etxe Erregionaletako ordezkariek eta La Encinako bazkidek senidetze bazkaria izanen dute.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa

Laguntzaileak