Eguberrietako oporren ondoren, senior mailako gizonezkoen CBASK taldeak bikain egin dio Nafarroako Saskibaloi Federazioko Gizonezkoen 1. Senior Autonomikoko ligari. Larunbatean, Tafallan, Escaleras Aguerri taldeari 61 eta 72 irabazi zion CBASK-ek, garaipen oso garrantzitsua, postuz igo eta CBASK orain sailkapenean bigarrena delako, 18+9 punturekin. Liceo Monjardin da liderra (19+9). Eta hain zuzen ere larunbatean, 16:45ean, CBASK taldeak Liceo Monjardin liderra hartuko du Zelandi kiroldegian. Partida interesgarria da, ikusmin handia piztu duena, hain zuzen ere lidergoa dagoelako jokoan.