Senior mailako gizonezkoen 1. Senior Autonomikoko mailan, gauzak oso ongi doazkio Altsasuko CBASK taldeari. Altsasuarrak sailkapeneko liderrak dira, nahiz eta aurreko asteburuan Larraona B taldearen kontra jokatu beharreko partida atzeratu, Altsasuko inauteriak zirela eta. Partida hau apirilaren 18an jokatuko da, 20:15ean, Iruñean. Nolanahi ere, lidergoari eusten dio CBASK-ek (27+3), Liceo Monjardin bigarrenarekin puntutara berdinduta (27-1). CB Valle de Egües da hirugarrena (26+3) eta CBSA El Navarrico laugarrena (24-1).
Hortaz, lehen postuetan dagoen aldea oso txikia da, eta ligako lehen fase hau despeditzeko geratzen diren partidetan fin ibiltzea, ez dago besterik. Izan ere, CBASK-ek igoera play-offetarako sailkatu nahiko luke, eta horretarako puntuak pilatzen jarraitu beharra dago. Larunbatean, 16:45ean, CBASKek hain zuzen ere txapelketan laugarrena den CBSA El Navarrico taldea hartuko du. Ez dago esaterik partida erabakiorra dela eta altsasuarrek euren zaleen babesa gogoz eskertuko dutela. Ea play-off postuetan jarraitzen duten altsasuarrek.