Lidergoari eusteko partida erabakigarria zuen Gizonezkoen 1. Senior Autonomikoan dabilen Altsasuko CBASK taldeak larunbatean, CBSA El Navarrico taldearen kontra. Zelandin etxeko zaleen babesarekin jokatutako partidan CBASK-ek ez zuen huts egin eta 69 eta 66 irabazi zion CBASA El Navarricori, lehia ikusgarri eta estuan. Horrela, lider jarraitzen dute altsasuarrek (29+4), baina goiko postuetako aldea oso txikia da eta Liceo Monjardin taldeak 29+1 puntu ditu eta CB Valle de Egües hirugarrenak 28+4.
Puntuak pilatzen jarraitzera
Hortaz, asteburu honetako jardunaldia ere erabakigarria da goiko postuak zehaztu eta liga erabakitzeko play-offetarako sailkatzeko. Igandean Eskirotzen jokatuko du CBASK-ek, Cendea de Galarren kontra, 12:00etan. Ea altsasuarrek puntuak pilatzen jarraitzen duten.
CBASK-ek lider jarraitzen du
Gizonezkoen 1. Senior Autonomikoko 17. jardunaldian Altsasuko taldeak 69 eta 66 irabazi zion CBSA El Navarricori