Abiadura Handiko Trenaren (AHT) kontrako jardunaldia hartuko du Altsasuko gaztetxeak gaur. AHT egitasmoaren Nafarroako egoerari buruzko mahai inguruarekin hasiko da jardunaldia 19:00etan. Horren ondoren, 23:00etan, kontzertuak izanen dira: Screaming for Change (hardcore-punka, Eskoriatza), Las Tuerkas (punk-rock, Eskoriatza-Zumarraga), Rukula (rock psikodeliko esperimentala, Usurbil) Ernia (crust-punk, Zarautz). Bai kontzertuak bai gaztetxean dastatu daitezkeen pintxoak ez dira dohainik, norberak egoki jotzen duena ordaindu dezake. Lortutako dirua AHTren kontrako ekimen batean isuna jaso zutenendako izanen da.