Altsasuko Udalak herriko ikastetxeei zuzendutako deialdia egin du, heldu den ikasturterako dena. Haur Hezkuntza, Lehen Hezkuntza eta Derrigorrezko Bigarren Hezkuntzako ikastetxe guztiei zuzendutako deialdia da udalarena. 37.500 euroko diru poltsa du deialdiak eta aurkeztutako egitasmoaren % 70 lagunduko du gehienez udalak.
Lau arlotan egindako jarduerei bideratuko da: heziketa proiektu berritzaileetarako, berrikuntzaren bidez irakaskuntzara zuzendutako materiala hobetzeko programak, euskarazko eskolaz kanpoko ekintzen gastuak eta azkenik A, B eta D ereduetan eremu akademikoan euskara sustatzeko hizkuntza horretan gauzatzen diren jarduerak. Deialdia Nafarroako Aldizkari ofizialean argitaratzen denetik 30 eguneko epea izanen da eskaerak egiteko.
