guaixe.eus

Festetako erakusleihoek sariak banatu dituzte

  Gizartea  Altsasu

Festetako erakusleihoek sariak banatu dituzte Saritutakoak lehiaketako antolatzaileekin batera. | Ikusi handiago | Argazki originala

Altsasuko Dendarien Elkarteak (ADE) eta Altsasuko Peñek 3. Festetako erakusleiho lehiaketa antolatu zuten. 13 dendarik irailaren 3tik 17ra arte euren erakusleihoak festa giroko gaiekin edertu zituzten. Festak despedituta, Altsasuko peñen Facebook profilaren bidez gustuko erakusleihoaren alde botoa emateko aukera zegoen. Botoa ematerakoan festa giroa hobekien zein erakusleihok islatzen zuen kontuan izan behar zen. Hala, aurtengo erakusleiho irabazlea Asensio dendak eskuratu du. Botoa eman zuten 90en artean ADEko dendatan gastatzeko 30 euroko hiru txartel zozketatu ziren eta horiek Ione Berasategik, Ander Garisoainek eta Fernanda Jorgek eskuratu zituzten. Guztiek ostiralean jaso zuten saria.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa

Laguntzaileak