Altsasuko Pilotajauku klubak Gabonetako Pilota Txapelketa antolatu zuen Gabonetan. Horrela, benjaminetan, Urko Lanzak 18 eta 5 irabazi zion Oier Olaberriari eta haurren mailan, Oier Mitxelenak 18 eta 13 hartu zuen menpean Patxi Azpeitia. Kimuetan, binaka, Hodei Ulaiarrek eta Urko Lanzak 18 eta 12 irabazi zieten Eñaut Gastesiri eta Oier Carabiasi eta, emakumezko kimuetan Iraide Bergarak 18 eta 13 hartu zuen menpean June Lumbreras. Bukatzeko, kadeteetan, Hodei Alegrek eta Aritz Ulaiarrek 18 eta 9 irabazi zieten Aimar Lezeari eta Araitz San Romani eta, emakumezko kadeteetan Udane Bergarak 18 eta 5 hartu zuen mendean Irati Lumbreras.