Galdera horri erantzuten saiatuko dira Josefina Arregi klinikan astelehenean eginen den tailerrean. Nafarroako Alzheimer gaixoen Senideen Elkarteak “komunikazio jarrera aldaketen aurrean erabili beharreko tresna” tailerra emanen du, 16:30etik 18:00etara. Elkartetik gaztigatu dutenez, “dementzia duen pertsona bat pittekan joaten da okerrera. Okertze hori hizkuntza, memoria, afektuak edota pertzepzioen aldaketetan sumatzen da; eta horrek denak zaintza lanak zaildu egiten ditu”. Astelehenerako antolatutako tailer horretan elkarteko kideek “komunikazioaren estrategiak erabiltzearen garrantzia” azalduko dute, “gaixo dagoen pertsonaren jarrera aldaketak aurreikusi eta gutxitzeko”.