Ospa mugimenduak jakinarazi duenez, Altsasun 26 kontrol zenbatu zituzten joan den hilabetean. Haietako 17 Foruzaingoarenak izan ziren (% 65,38) eta gainontzeko 9ak Guardia Civilarenak (%34,61). Ospa mugimenduko kideek kartel bidez azaldu dutenez, urteko lehen lau hilabeteetan herrian 168 kontrol zenbatu dituzte, 1,4 kontrol eguneko. Kontrol horietatik 105 (%62,5) Foruzaingoarenak dira eta 63 (% 37,5) Guardia Civilarenak. Kontrolen kokapenari dagokionez. Ospatik jakinarazi dutenez, gehienak, 64 (% 38,09) Altsasuko kaleetan izaten dira. Gainontzeko guztiak herriko sarreretan kokatuak dira. Horien artean, Osparen datuen arabera, Iruñerako irteeran jartzen diren kontrolak daude: 56 (% 33,33). Gasteizerako irteeran 34 kontrol izan ziren (% 20,23) eta, azkenik, Donostiarako irteeran Ospako kideek 14 kontrol zenbatu zituzten (%8,33). Ospa mugimendutik errepresio indarrak alde egitea eta desmilitarizazioa aldarrikatu dituzte.