Altsasuko festak 2019

"Herri mugimenduko hausnarketa batetik jaiotako hazia da Kuadrilen eguna"

Altsasuko festetarako aste bat gelditzen da, eta herri mugimeduak aurtengo berrikuntza nagusia aurkeztu du: Kuadrilen eguna. "Altsasuko kuadrilek festak bere egiteko eta kuadrilen arteko interakzioa bultzatzeko" dira egunaren helburuak

Irailaren 16an, astelehenean, ospatuko da Kuadrilen eguna, eta egun osoko egitaraua prestatu dute: besteak beste, bakarrizketak, kuadrilen bazkaria, elektrotxaranga, eta kuadrilen arteko olinpiadak eta play back erronkak. Parte hartzeko "kuadrila batek beste bati olinpiadetarako eta play back-erako erronka botako dio", sare sozialen bidez edo tabernetan jarritako zerrendetan. Asteartean, irailaren 10ean, amaitzen da erronkak partekatzeko epea.