1990ko urriaren 5ean okupatu zuten gaur egun Altsasuko Gaztetxea dena, eta 29 urteak ospatzeko astearte berezia izan dute AGAko kideek. Hala ere, asteburuan izan dituzte ekimen nagusienak: ostiralean haurrendako plazako animazioaren ondoren, bakarrizketa hartu zuen gazte egoitzak. Larunbat goiz eta eguerdian urteurren ospakizunek Foru plaza sukalde bihurtu zuten, kalderete txapelketarekin. Elektrotxarangarekin eta gaueko erromeriarekin soinu banda jarri zioten 29. urteurrenari.