U30 Greba Orokorra

Greba Orokorra: Altsasuko goizeko manifestazioa

Ia 1000 pertsonek bat egin dute Altsasuko greba orokorraren manifestazioan. Eroski supermerkatutik herritik kanpo dagoen BM supermerkatura ibilbidea egin dute manifestariek, Aita Barandiaran zahar egoitzatik eta itxita zeuden hainbat establezimentutik pasatuz.

Altsasuko manifestazioa arazorik gabe igaro da. Bukaeran, BM supermerkatua zabalik zegoen eta hainbat grebalari sartu dira; saltokia itxi dute. Sindikatuetako arduradunek Iruñean 12:00etan egingo den manifestaziora joateko deia egin dute. Manifestazioaren ondoren, Iruñetik bueltan, "barraskilo operazioa" egingo dute; Decathlonen 14:15ean gelditu dira itzulera hasteko. Arratsaldean, 18:00etan, Altsasuko suhiltzaileen parean, BM supermerkatuaren aparkalekuan, hasiko da eskualdeko manfestazioa.