BABESTUTAKO EDUKIA

Lur eta Amets Iortia kultur gunean igandean

Babestutako edukia 2020ko ots. 14a, 11:02

'Lur eta Amets', Euskal Herriko abentura filma zinemetara iritsi da. Igandean, otsailaren 16an, 17:00etan, Iortia kultur gunean euskarazko filmaren emanaldia izanen da

Hau bai abentura! Lur eta Amets abentura filma zinemarik zinema dabil otsailaren 7az geroztik. Imanol Zinkunegik eta Joseba Poncek zuzendutako pelikulan, Lur eta Amets anai-arrebak Euskal Herriko garai ezberdinetan murgilduko dira Baltaxar katuarekin eta Amona Andererekin batera.
2015ean sortutako proiektua

Lur eta Amets proiektua 2015ean sortu zuten Ikastolen Elkarteak, Katxiporretak eta Elkar argitaletxeak, "gure herriaren historiaren irakurketa geure ikuspuntutik berreraiki eta eskuragarri jartzeko" asmoz, eta hori landu zuten ezagutza liburuarekin, ipuin sortarekin eta ondoren etorri zen galdera-erantzun mahai jokoarekin.


Altsasun asteburuan
Pertsonaiek bizia hartu dute gero, eta Euskal Herria autobus magiko batean zeharkatu dute abendutik otsaila artean; guztira, hamaika geldialdi egin dituzte familia eta lagun artean "lur eta ametsen abenturak" partekatzeko. Durangon, Arrasaten, Altsasun, Eibarren, Gasteizen, Getxon, Iruñean eta Donostian izan dira, besteak beste, filmaren protagonistak, eta harrera ezin beroagoa egin diete antzoki eta areto guztietan. Orain, berriz, pantaila handira egin dute salto eta zinematan topatuko dituzte neska-mutikoek.

Altsasuko Iortia kultur gunean asteburu honetan ikusi ahal izango da filma. Otsailaren 16an izango da emanaldia (17:00)