Pedro Mari Otaño Barriola bertsolari zizurkildarraren bizitza kontatu nahi du Patxi Bisquertek Ombuaren itzala filmean. Proiektua auzolanean eginen du eta astelehenean, otsailaren 8an, 18:30etan, egitasmoa Iortia kultur gunean aurkeztuko du. Besteak beste, parte hartzeko bi modu daudela azalduko du Errotzen bizi den aktoreak: mezenazgoa eta aurretik sarrerak erostea. Hortaz, 30.000 sarrera salgai jarri ditu.
Otsailaren 12an, ostiralean, 19:00etan, Hiriberri Arakilgo kontzejuan eginen du proiektuaren aurkezpena.
Gaur, Guaixe Astekarian, Patxi Bisquerti egindako 11 galdera.