Apirilaren 23 Liburuaren eguna da, eta horren harira Altsasuko liburutegiak Liburuaren astea antolatu du astelehenetik, apirilaren 19tik, apirilaren 28ra arte. Programazioaren barruan haurrendako tailerrak, hitzaldiak eta liburuen aurkezpenak izanen dira. Ekimen guztiak Mugak hausten leloarekin bat egin dute, eta, besteak beste, liburuak eta literatura "desberdintasunak murrizteko" eta "bakea, justizia eta instituzio sendoak" lortzeko tresna izan daitezkela erakutsiko dute.
Altsasuko Liburuaren astea astelehenean hasiko da Nafarroako Gobernuak Nafarroako Liburutegiaren 150. urteurrenaren harira eta Liburutegien Sarearen 75 . urteurrenaren harira antolatutako Liburu bat egingo dut tailerrarekin. Astelehenean, apirilaren 19an, 17:30ean, Iortia kultur gunean izanen da, gaztelaniaz. Euskarazko saioa apirilaren 22an, osteguna, 17:30ean, izanen da leku berea. Izena ematea liburutegian egin behar da.
Liburuaren astea
Apirilak 19, astelehena
- 17:30
Voy a hacer un libro haurrendako tailerra
Apirilak 22, osteguna
- 17:30
Liburu bat egingo dut haurrendako tailerra
Apirilak 26, astelehena
- 18:00
¿Por qué no nos dejáis entrar? Mari Romeroren liburuaren aurkezpena idazlearekin
Apirilak 27, asteartea
- 17:30
Manolita Thundersekin tailerra. Lehen hezkuntzako haurrendako
Apirilak 28, asteazkena
- 18:00
Patxi Zubizarreta idazlearen Tinta gorri, tinta urdin. Mugak puskatzeko literatura hitzaldia