Altsasuko Gozamenez film laburren lehiaketara aurkeztutako lanak dagoeneko ikusgai daude Altsasuko Udalaren webgunean. Haiek ikusi ondoren gogokoenaren alde botoa emateko aukera ere badago. Horretarako astelehenera arteko epea utzi du antolakuntzak. Boto gehien jasotzen duen ikus-entzunezkoarendako izanen da saria. Sari banaketa Intxostiapunta gaztegunean eginen da hilaren 14an, heldu den ostiralean, 18:00etan. Sari banaketara joan nahi dutenek dagoeneko izena eman dezakete.