Altsasuko Udalak herrian programa egonkorra garatzen duten entitate artistikoak bultzatzeko asmoz dirulaguntza deialdia egin du, gehienez 15.000 eurorekin hornitu duena. Altsasuko Udalak dirulaguntzak ematerakoan kontuan izanen ditu: proiektu kopurua, proiektu haien ezaugarriak eta aurrekontua. Beren zenbatekoa proiektuan lortutako puntuazioarekiko zuzenki proportzionala izanen da, eta ez da inoiz izanen onartutako aurrekontuaren %80 baino handiagoa.
Entitate onuradunek bete beharreko baldintzak, besteak beste, dira: egoitza Altsasun egotea edo gehienbat herrian aritzea; irabazi asmorik ez izatea; erakundearen xedeak zuzeneko harremana izatea diru-laguntzaren helburuarekin; zergak eta Gizarte Segurantza diru-laguntza eskatzen den datan ordainduta izatea; jarduera programa egonkorra garatzea, jende guztiari irekiak izatea eta Altsasun 4 emanaldi gutxienez egitea eta aurkeztutako proiektua ekonomikoki bideragarria izatea
Altsasuko Udalak emandako dirulaguntza honakoetara bideratu daiteke: erakundearen funtzionamenduan eta Altsasun egindako jardueretan sortu diren gastuak ordaintzeko; prestakuntzarako barne ikastaroak; inbertsioak edo COVID-19 gaitzak eragindako gastu gehigarriengatik.