Bigarren hiru hilekoan, 64 kontrol

Ospa mugimenduaren kamiseta bilduma Ospa Egunaren 10. urteurrenaren harira antolatutako erakusketan.

Ospak egindako zenbaketaren arabera, urtearen lehen erdian 190 kontrol izan dira herrian 

Errepresioaren kontrako Ospa mugimenduak kartelen bidez jakinarazi duenez, apirila eta ekaina artean 64 kontrol zenbatu dituzte herrian. Haietatik 35 (%54,68) Guardia Civilak eta 25 (%39,06)  Foruzaingoak jarritakoak direla jakinarazi du. Ospa mugimenduak estreinakoz bere zenbaketan Udaltzaingoa sartu du, eta haiek lau kontrol (6,25) egin dituztela azaldu du. 

Kontrolen kokapenari dagokionez, jakinarazi dutenez, 21 (%32,81) herriko kaleetan izan ziren, 19 (%29,68) Iruñerako irteeran, 13 Donostiarako irteeran eta 11 Gasteizerakoan. Ospa mugimenduak urteko lehen hiru hilekoan 126 kontrol zenbatu zituen, bigarren hiru hilekoak batuta, urte erdian 190 kontrol zenbatu dituzte Ospakoek.