Olatz Salvador Altsasun

Guaixe 2021ko aza. 5a, 11:02
Deskargatu Info Ahotsak :

Olatz Salvador musikaria.

Sakanako Berrialagunak antolatuta Donostiako abeslariaren kontzertua izanen da bihar, azaroak 6, larunbata, 19:30ean, Iortia kultur gunean. 

Sakanako Berrialagunak, Sakanako Mankomunitatearekin eta Altsasuko Udalarekin elkarlanean, euskal kultur ekitaldiak antolatzen ditu urtero, eta aurten Olatz Salvadorren emanaldia antolatu dute. Musikari donostiarrak Aho uhal lan berria aurkeztuko du. Sarrerak dirua Berria-rendako izanen da. Berrialagunek sarrerak aurretik erosita 10 euro ordaindu beharko dute Berria-ren bitartez, egunean bertan Iortiako txarteldegian txartela erakutsiz 12 euro; Berrialagunak ez direnek 12 eurotan lortuko dituzte sarrerak kultur gunearen txarteldegian eta webgunean, eta 14 eurotan egunean bertan txarteldegian. 

Zintzilik diskoaren arrakastaren ondoren, Olatz Salvadorrek Aho uhal diskoa grabatu zuen iaz Haritz Harreguyren estudioan eta Pablo Novoa ekoizlearen laguntzaz. Alaia Martin eta Ane Labakaren hitzez osatutako abestia ditu. Diskoak hamabi abesti ditu, eta Rozalén, La Mare, Idoia Asurmendi eta Garazi Esnaola musikarien kolaborazioak jasotzen ditu ere. Kontzertuan Ander Zulaika bateria joleak, Jagoba Salvador baxu joleak eta Mattin Saldias gitarra joleak lagunduko dute. 

.

Kultura Altsasu