Euskararen arnasguneak beharrezkoak direlako, Altsasuko Euskal Herrian Euskaraz taldeak egitaraua antolatu du azaroan. Aurreko ostiralean Kantaitan afaria egin zuten Kuxkuxtu taldearekin, eta bihar, azaroak 12, 19:00etan, Iortia kultur gunean, Bakean dagoena bakean utzi bakarrizketa saioa izanen da Mirari Martiarena eta Idoia Torregariaren eskutik. Bi artistek elkarrekin jositako sei bakarrizketa eginen dituzte euskara eta generoa umoregai hartuta: besteak beste, euskalkiak, onomatopeiak, amatasuna, gorpuztasuna eta kristalezko sabaia. Sarrera doakoa da.
Bakarrizketa saioa Altsasun
Altsasuko EHE taldeak antolatuta, Mirari Martiarena eta Idoia Torregarai artisten 'Bakean dagoena bakean utzi' ikuskizuna izanen da bihar, ostirala, Iortia kultur gunean.