Iruñean bertsoaren mundua sustatzeko helburuarekin antolatzen dute urtero Nafarroako Bertsozale Elkarteak eta Iruñeko Udalak Bertsoaroa zikloa. Nafarroako Antzerki Eskolan, Kondestableko Civivoxean, Katakraken eta Txantreakok Salesianas zentroan formatu desberdinetako sei bertso saio eginen dituzte, otsailaren 24ra arte.
Gaur, otsailak 17, osteguna, 19:00etan, Gazteen bertso saioa eginen dute Katakraken. Beñat Astizek, Ekhiñe Zapiainek, Gorka Pagonabarragak, Haira Aizpuruak, Naia Arrizabalagak eta Ekain Alegre altsasuarrak parte hartuko dute. Gai jartzailea Ainhoa Larretxea izanen da. Sarrera librea da, edukiera bete arte.