Haiekin egon ezin zirenak gogoan izaten hasi zuen LAB sindikatuak Langileen Eguneko irakurketa. Egungo egoera jasanezina dela esan zuten, "oinarrian dagoen arazoa betikoa da: sistema ez da bideragarria, porrot egin du, energia eta materialak agortzen ari dira eta larrialdi ekonomikoa areagotzen ari da". Egoera horrek gerrak bultzatzen ditu, eta prezioen igoera ekarri du; soldaten prezioak, aldiz, behera egin dute azken urtetan. "Txiroagoak gara".
Zaintza lanak emakumeen "bizkarrean" jarraitzen dutela salatu zuen LABek, eta "alternatiba" dagoela aldarrikatu zuten: "Banaketa hirukoitzan deitzen diogun horretan dago gakoa: zaintza lanak, enplegua eta ondasunak banatzea". Erronka globala den arren, etxetik hasti behar dutela azaldu zuten. "Burujabetza eskuratu beharko dugu, alternatiba gaurtik eraikitzen hasteko, Langileon Euskal Errepublika eskuratzeko".