Lau erraldoiek osatzen dute Altsasuko segizioa, herriko festa garrantzitsuenetan oinarrituta: kinto mutila, kinto neska, momotxorroa eta sorgina. Kintoen bikotea 2019an mustu zuten, eta orain momotxorro eta sorgina erraldoien bertsio berritua aurkeztuko dute.Aurkezpen ekitaldia irailaren 11n, igandean, izanen da, 17:00etan, Zumalakarregi plazan. Erraldoiei ongi etorria eman ondoren kalejira eginen dute herritik zehar.
Altsasuko erraldoiak bitan aterako dira festetan: irailaren 14an, 12:00etan, txupinazoaren ondoren peñen eta erraldoien kalejira izanen da eta irailaren 18an, igandea, 11:30etik aurrera erraldoi eta buruhandien kalejira izanen da. Bi irteeretan Altsasuko eta Etxarriko gaiteroak lagundua joanen da erraldoien segizioa.