Erregional mailako 2022/2023 denboraldia asteburuan hasi zen, eta larunbatean Dantzalekun lortutako garaipen ederrarekin ekin zion ikasturteari Altsasuk, Lekunberriko Beti Kozkor B taldeari 3 eta 2 irabazita. Atsedenaldia baino lehe, 43. minutuan mustu zuen markagailua Jon Lopez de Goikoetxeak. Bigarren zatian Unai Calvok Altsasuren bigarrena lortu zuen, eta partida bukatzear zela, 86. minutuan, Eneko Garasak hirugarrena sartu zuen. Orduan iritsi zen ezustekoa, 90. minutuan Beti Kokorreko Iosu Mariñelarenak bi gol sartu baitzituen, bata bestearen segidan. Zorionez, partida berehala despeditu zen eta hiru puntuak Altsasun geratu ziren.
Sailkapen orokorrean Beti Onak B taldea da liderra (3 puntu) eta Altsasu laugarren da (3 puntu). Datorren asteburuan San Ignacioren kontra jokatuko du Altsasuk.