Erregional mailako laugarren multzoan 22. jardunaldia jokatu zen asteburuan eta Altsasu B taldeak San Fermin ikastola izan zuen aurkari Sarrigurenen. Zizurko ikastolakoak hasieratik gailendu ziren eta errenta ederra atera zuten, 3 eta 0 aurreratu baitziren. 80. minutuan Jon Lopez de Goikoetxeak altsasuarren gol bakarra sartu zuen eta 3 eta 1 hurbildu ziren gorritxoak, baina azken minutuan San Fermin ikastolakoen golak markagailua aldatu zuen eta 4 eta 1 galduta itzuli zen etxera Altsasu B taldea.
Erregional mailako laugarren multzoan Beti Onak B taldeak jarraitzen du lider (57 puntu). Altsasu B hamabigarren da (19 puntu). Asteburuan Altsasu B taldeak sailkapenean seigarren den Kirol Sport hartuko du Dantzalekun.