Emakumezkoen Kopa Autonomikoan hirugarren jardunaldia jokatu zen, eta Altsasuk lehendabiziko garaipena lortu zuen, Antsoaingo Gazte Berriak taldeari 3 eta 2 irabazita. Altsasu aurreratu zen, Maren Hueguni esker, baina Gazte Berriakek bana berdintzea lortu zuen. Sonia Alonsok sartutako golari esker, 2 eta 1 aurreratu zen Altsasu, eta 10 minutura Alonsok berak hirugarren gola sartu zuen, Dantzalekuko zaleen gozamenerako. Azken minutuan bigarren gola sartu zuen Gazte Berriakek, markagailua makilatuz, eta 3 eta 2-ko markagailuarekin despeditu zen partida.
Sailkapenean Oberena da liderra (7 puntu) eta Altsasu zazpigarren da (3 puntu). Altsasuren hurrengo arerioa Oberena liderra izango da, oraindik zehaztu gabe dagoen datan.