Sakana Garapen Agentziak Sakanako Donejakue bidea markatu eta ezagutzera eman du, eta horretarako zenbait ekimen antolatu ditu. Ekainaren 2an, ostirala, 19:30ean, Nicolas Arbizu hiztorialarian Donejakue bidea Sakanan hitzaldia izanen da, Altsasuko Gure Etxean. Ibarreko Santiago bidearen historia ezagututa, ekainaren 3an, larunbata, 08:30ean, Bakaikutik abiatuta bidea ezagutzeko oinezko martxa antolatu dute. Martxa Bakaikuko Santiago ermitatik abiatuko da eta Ziordiraino izanen da, eta tartean argazki rallya eginen dutela jakinarazi du garapen agentziak. Plaza mugatuak dira eta aurretik menditurismosakana@gmail.com izena eman behar da.