"Gure barnearen edozein izkinatan mundua aldatzeko giltza dago", dio Matildak izen bereko liburu eta filma ospetsuaren protagonistak, eta hori da Irantzu Gonzalez Dantza Eskolako ikasle txikiek sentiarazi nahi dutena. Ekainaren 10ean, larunbata, Iortia kultur gunean Matilda Musikala ikuskizuna eginen dute. Ikasturtean zehar ikasitako oholtzan erakutsiko dute dantzariek. Bi saio egonen dira: 17:00etan eta 19:00etan, eta bi saioetarako sarrera gutxi gelditzen dira, kultur guneko webgunean edo txarteldegian.