52. Otadiko Kristo Deuna Pilota Torneoko bigarren finalerdia jokatu zen larunbat gauean Burunda pilotalekuan. Kategoria mistoan Carabiasek eta Arrastiak 16 eta 22 galdu zuten Zabaletaren eta Vicenteren kontra, partida lehiatu eta bizian.
Seniorretan Fernandez eta Loza errioxarrak sailkatu ziren Altsasuko festetan jokatuko den final handirako, Apezetxea goizuetarrei gailendu eta gero. Errioxarrak hamabost eta hamaika irabazten ari zirela Antton Apezetxea erretiratu egin zen, eskuin eskuko behatzean lesioa zuelako, pena handiz. Araudiari jarraiki, garaipena errioxarrei eman zitzaien.
52. Otadiko Kristo Deuna Pilota Torneoko finalak
Irailak 17 igandea, 18:00
Altsasuko Burunda frontoian
Mistoak
Oscoz - Mitxelena / Zabaleta - Vicente
Seniorrak
Zubizarreta - Lizeaga / Fernandez - Loza