Urriaren 6tik 8ra Nafarroako Futbol Federazioko Kopako lehen jardunaldiko ligaxkako lehen jardunaldia jokatu zen. Altsasu hamabosgarren multzoan lehiatzen ari da. Lehen jardunaldian, Altsasuk Universidad de Navarra B taldea izan zuen aurkari Iruñean, eta garaipen ederra lortu zuen talde altsasuarrak, 1 eta 5 hartu zuen mendean OPUS-eko Unibertsitateko taldea.
Asteburuan bigarren eta hirugarren jardunaldiak jokatuko dira. Bigarrenean atseden jardunaldia dagokio Altsasuri, eta Universidad de Navarra B taldeak Baztan B izango du aurkari. Hirugarren jardunaldian, aldiz, Baztan B talderen kontra jokatuko du Altsasuk, urriaren 15ean, igandean, 17:30ean Elizondoko Giltxaurdin.