Urriaren 29an III. Betagarri Trail lasterketa jokatu zen Antzingo Lokiz mendizerran, Nafarroako Atletismo Federazioak antolatutako Navartrail Koparako puntuagarria zen azken proba. Bi distantziatan jokatu zen: luzea (22,6 km) eta motza (8 km).
Lasterketa luzean (22,6 km) Jesus Maria Mauleon (1:44:11) arroniztarra eta Olatz Azazeta (2:17:52) altsasuarra gailendu ziren, alde handiz. Azazeta ederki aritu zen; 7 minutu atera zizkion Estibaliz Iturralderi (2:24:37), eta 13 minutu Maider Azpilikuetari (2:30:58). Gizonezkoetan Ekhi Congil etxarriarra Top 10ean sailkatu zen, seigarren sailkatu baitzen (1:56:44). Asier Palacios 26. iritsi zen (2:17:57), eta Carlos Mañeru 32. (2:20:07).
Lasterketa motza (8 km) Thibaut Bertrandek (35:10) eta Maite Murgiak (47:33) irabazi zuten. Sakandarrei dagokienez, Eneko Garasa 32. iritsi zen (45:47); Noureddine Jdi Baba 36. (46:13); Ismael Lopez de Goikoetxea 38. (46:53); Jorge Vitoria 39. (46:54); Inge Zelaia 82. (57:14); Kimetz Arregi 87. (59:01); Amaia Oiarbide 90. (1:01:32); eta Sonia Alonso 91. (1:01:33).