Emakumezkoen Preferente Mailan zortzigarren jardunaldiak ez zuen Sakanan punturik utzi. Altsasuk Universidad de Navarraren kontra jokatu zuen Iruñean. Partida bizian, OPUS-ekoak aurreratu ziren 24. minutuan, baina Altsasuk ez zuen etsi eta 6 minutura Sonia Alonsok berdinketaren gola sartu zuen. Tamalez, atsedenaldia baino lehen aurreratu zen Universidad, 2 eta 1. Bigarren zatian kolore bakarra izan zuen partidak, Universidad de Navarrarena. Beste hiru gol sartu zituzten, eta 5 eta 1 galduta itzuli zen Altsasu etxera.
Tudelanok jarraitzen du Preferente Mailako lider (17 puntu). Altsasu azkena da, bederatzigarren (puntu 1). Bederatzigarren jardunaldian atseden jardunaldia du Altsasuk.