Sinopsia: Eva Martínez eta Anna Marquèsek TV3ko (Televisión de Cataluña) Sense ficció programarako egindako dokumentala da, eta osasungintza arloko genero-alborapenari buruz hitz egiten du. Zehazki, ikus-entzunezko lan honek indarkeria obstetrikoa, gaixotasun kardiobaskularrak eta osasun mentala ikusarazten ditu, betiere genero-ikuspegitik.
Dokumentalak agerian uzten ditu medikuntzaren historian emakumeek jasan dituzten gainmedikazioa eta infradiagnostikoa. Medikuntzaren arloko azterketa eta aurrerapenetarako gizonezkoak eta haien gorputzak neurri estandartzat hartu direnez, osasun-sistemak ez ditu kontuan hartu edo modu desegokian artatu ditu emakumeen gaixotasun eta berezitasunak, horiek gutxietsiz eta bigarren mailan jarriz.
Emanaldia: Filmoteka Nafarroan programaren eta Altsasuko Berdintasun zerbitzuko Isilarazi matxismoa egitarauaren barruan; Miate Mendiroz Nafarrroako Unibertsitate Ospitaleko neurologoa eta Navarrabiomedeko zuzendariak eta Maruxa Arana Remirez ADItecheko I+G+b-ren Bikaintasunaren eta Dibulgazioaren arduradunak parte hartuko dute.
Martxoak 18, astelehena, 19:00etan, Iortia kultur guneko areto nagusian.
Sarrerak: euro bat, Iortia kultur gunearen webgunean eta txarteldegian.
Hizkuntza: Katalanezko jatorrizko bertsioa, gaztelaniazko azpitituluekin.