Maiatzaren lehenean jokatutako Gizonen Preferenteko 30. jardunaldian Altsasuk Lezkairu hartu zuen Dantzalekun eta altsasuarrek garaipen ederraz gozatu ahal izan zuten. Altsasuk eroso jokatu zuen, eta atsedenaldirako 2 eta 0 aurreratu zen Joaquin Angel Lladok eta Unai Rodriguezek sartutako golei esker. Bigarren zatian, Iñaki Ozkarizek Lezkairu 2-1 hurbildu zuen, baina Altsasuk ez zuen arriskurik hartu izan nahi eta Jon Lopez de Goikoetxeak 3 eta 1ekoa ezarri zuen.
Preferente mailako lider Burlades B taldea da (60 puntu). Altsasu hamahirugarren da (39 puntu). Maiatzaren 5ean, igandea, Altsasuk Ilunberri izango du aurkari, 18:00etan, Ilunberriko Lardin zelaian.