Sakana Lanbide Heziketa institutuan ikasketa dualaren inguruko jardunaldia maiatzaren 17an. Sistema berria ezarri du Hezkuntza Departamentuak eta horren berri eman zuen Carlos Gimeno Gurpegi Hezkuntza kontseilariak, Carlos Fernandez Valdivieso Nafarroako Enpresen Konfederazioko (CEN) kideak eta Jose Julian Garziandia Pellejero Sakanako Enpresen Elkarteko (SEE) presidenteak. Gimenok ikastetxeari eta ibarreko enpresei hezkuntza dualak Sakanan duen presentziagatik zoriondu zituen.
Ikastetxeak heziketa dualean bidea egina du. Eta horretan lagundu diotenei eskerrak eman zizkien: SEE, Sakanako Garapen Agentzia, Sakanako Herri Eskolak, Lanbide Heziketako zuzendaritza, CEN, ikasleak eta irakasleak.