Altsasuko Udalak ofizial administrari lanpostua betetzeko izangaien zerrenda bat osatu nahi du hautaketa-proben bidez, hau da, oposizio-lehiaketaren bidez. Deialdi horrekin Altsasuko Udalak nahi du sor daitezkeen beharrei aldi baterako erantzuna ematea, horrela langileen ordezkapenak egiteko aukera izateko, dela laneko bajak, oporrak eta udal-zerbitzuak indartzeko unean uneko edozein behar.
Udalak C mailako kontratua eskainiko du, eta premiaren arabera lanaldi osoa edo partziala izan daiteke. Bestetik, euskararen C-1 mailako ezagutza eskatzen die hautagaiei. Deialdian interesa duenak bere eskabidea eta gainerako dokumentazioa garagarrilaren 4ko 14:00etarako aurkeztu beharko du. Deialdiari buruzko informazio guztia altsasu.eus webgunean dago.