Lehen Hezkuntza ematen duten Altsasuko ikastetxeei berdintasuna integratzen laguntzeko asistentzia teknikoa kontratatu nahi du Altsasuko Udalak. Programa hori ikastetxeekin aldez aurretik adostuta egingo da, euren hezkidetza-lana indartzeko xedez. Eskaintza aurkeztu nahi duenak hilaren 30eko 23:59ra arte du. Kontratuaren lizitazio aurrekontua 9.704,84 eurokoa da (BEZa barne). Zerbitzu kontratuaren balioa, lehenengo urtea eta hiru luzapen posibleak kontuan hartuta, 38.819,36 eurokoa da (BEZa barne). Udalak kontratua kalitate-prezio erlazio onena duen eskaintzari emanen dio.
Berdintasun politikak ikastetxeetara eraman nahi ditu udalak
Horretarako laguntza teknikoa kontratatu nahi du.