Familia eta lana kontziliatzeko erraztasuna eman nahian, Altsasuko Udalak eguberritako Aisiaz Blai programa prestatu du. Izan ere, neguko oporrekin haurrak ikastetxera joateari uzten diote, eta zenbait etxetan familia ardurak eta lana uztartzeko zailtasunak izaten dira. Horren jakitun, Txantxari udal ludotekak kontziliazioa errazteko Aisiaz Blai programa eskainiko du neguko oporretan: abenduaren 23, 24, 26, 27, 30 eta 31n eta ilbeltzaren 2, 3 eta 7an. 3 eta 12 urte arteko haurrak (2012 eta 2021 artean jaioak) ludotekan 08:30etik 13:30era egoteko aukera izanen dute. Ordutegi hori beteko ez balitz, bigarren aukera 11:00etatik 13:30era izanen da.
Udal eskaintzan izena emateko epea abenduaren 5era arte zabalik dago. Horretarako, 948 012 012 telefonora hots egin behar da, edo altsasu.eus web orriko galdetegia bete. Matrikulari dagokionez, familien diru sarreren, errenta aitorpenaren arabera hamaika prezioko taula osatu du udalak. Gainera, zenbait familiari hobariak eskuratzeko aukera emanez. Argibideak nahi dituenak Txantxari udal ludotekan jasoko ditu, 948 467 471 telefonoan edo ludoteka@altsasu.net e-posta helbidean.