Urtero moduan, abenduaren 8an, 11:00etan, XLIII. Zubeztia Elkartea Lasterketa - III. Candi Arnanz Memoriala jokatuko da, Altsasuko herri gunean prestatutako hamar kilometroko proba. San Silvestrea prestatzeko egoki da, eta askorendako proba kuttuna. Izena ematea zabalik dago Dantzaleku Sakana klubeko webgunean (3 euro), baina egunean bertan izena emateko aukera egongo da (5 euro). 18 urtetik 70 urterainoko proba da.
Zubeztia Lasterketak Sakanako Mankomunitateak antolatutako XVII. Sakanako Atletismo Kopa-Lasa Kirolak Saria erabakiko du. Momentuz, emakumezkoetan Erkuden San Martin, Noemi Cordero eta Maite Zabaleta daude buruan, eta gizonezkoetan Ekhi Congil, Aritz Etxeberria eta Imanol Guerrero.