Nazio Batuen Erakundearen Batzar Nagusiak 1948ko abenduaren 10ean Giza Eskubideen Aldarrikapen Unibertsala onartu zuen. Horregatik, egun hori Giza Eskubideen Nazioarteko Eguna da. Horren harira Nafarroako Gobernuko Memoria eta Bizikidetzako, Kanpo Ekintzako eta Euskarako Departamentuak hainbat jarduera antolatu ditu. Horietako bat izan da Giza Eskubideen aldeko kate-ipuinak.
Ipuin horien idazketan herrialdeko 42 ikastetxeetako Lehen Hezkuntzako ikasleek parte hartu dute. Lastaileko eta azaroko egun bakoitzean, zentro bakoitzak hainbat lerro gehitu dizkie ipuinei. Ana Jakak euskarazko ipuina hasi zuen, eta Sandra Iraizozek eta Juan Frommknechtek gaztelaniazko ipuina. Horrela, lankidetzazko sorkuntza kate bat osatu dute, Giza Eskubideak ardatz hartuta.
Ipuinak
Idazleak eta Ana Ollo Hualde lehendakariorde eta kontseilariak sorkuntzaren emaitza ezagutu dute. Euskarazko ipuinak Itxaropen izpiaren bila izenburua du. Lur, kazetari profesional bihurtu nahi horretan, bere inguruko mundua esploratzera eramango duen abentura batean murgilduko da. Erantzuteko zailak diren galderak egitera ohituta egon arren, inoiz bizitzea pentsatuko ez zukeen kezkei erantzunak bilatzea egokituko zaio abentura honetan. Bizitzan itxaropena bilatzeko irrikaz, Ana Jakak berak ipuinaren lehen lerroetan iradoki zuen protagonista izatera itzultzea eragotziko dioten ateak zeharkatuko ditu.
Bestalde, Latidos de guerra da gaztelaniazko sorkuntzaren izenburua. Alex eta Nerea etsaikor, gris, sirena eta erabateko suntsiketako giroan daude, berengan bizirauteko gogo bizia sortuko duena. Bikotea bidelagunekin gurutzatuko da, eta maitasuna, adiskidetasuna, gorrotoa eta frustrazioa bezalako askotariko emozioak sentituko dituzte. Parte hartu duten ikasleak, Sandra Iraizoz eta Juan Frommknecht idazleek zertzeladekin istorioa ondu ondoren, gai izan dira edozein irakurleren bihotzari bradikardia eta takikardia muturrekoen artean dantzatuko duten egoeretan jarriko dituen uneak sortzeko.
Liburuaren aurkezpenaren ondoren, ikasleek Iraizoz, Jaka eta Frommknecht idazleekin hitz egiteko eta galderak eta kezkak trukatzeko aukera izan dute, eta eskerrak eman dizkiete hain proiektu interesgarri eta politean parte hartzeko aukera izateagatik. Era berean, harrituta agertu dira haiek hasitako bi ipuinek zer bide hartu duten ikustean.
Ipuinak, eszenara
Aurten, nobedade gisa, Marisa Serrano, Inma Gurrea eta Izaskun Mujika narratzaileek taularatuko dituzte bi ipuinak. Nafarroako sei liburutegietan izanen da aste honetan: Arrosadia, Ribaforada, Doneztebe, Azkoien, Fustiñana eta Iruñeko San Frantzisko plazako liburutegietan. Ahozko narrazio saioak eta Giza Eskubideei buruzko hausnarketa egingo dira.
Jarduera gehiago
Nafarroako Gobernuak, zortzigarren urtez jarraian, Giza Eskubideen Nazioarteko Egunarekin bat egin du, abenduaren 8tik 15era bitarteko astearekin. Hori dela eta hainbat jarduera antolatu ditu. Haietako bi Sakanan. Irurtzungo kultur etxeak Ados Teatro konpainiaren Muchos amigos negros antzezlana hartu zuen igandean. Eta Ubuntu. Bizitzak salbatzeko musika kontzertua eskainiko dute Aba Taano, Ugandan Sticks eta Natumayiini Girlsek Altsasuko Iortia kultur gunean abenduaren 13an, ostiralean, 19:00etan.