Emakumezkoen preferente mailan asteburuan ez zen jardunaldirik jokatu, baina Altsasuk eta Idoyak hamargarren jardunaldian atzeratutako partida jokatu zuten abenduaren 15ean Dantzalekun.
Idoya izan zen sailkapenean aurreratu zena, eta 0-1 galtzen joan ziren atsedenaldira altsasuarrak, baina bigarren zatian primeran erantzun zuten, hasi eta berehala bana berdindu baitzuen Noelia Morenok. Ane Vegasek (2) jarraian sartutako bi golei esker 3-1 jarri zen aurretik Altsasu, baina Amayak distantziak laburtu zituen 70. minutuan, 3-2 gerturatuz. Bi taldeek lehian jarraitu zuten, eta Maddi Etxeberriak laugarren gola sartu eta gero, 4-2 irabazi zuen Altsasuk.
Garaipenari esker, Altsasu lider jarri da (23 puntu) eta lehen postua kendu dio orain bigarren den Gazte Berriak Antsoain taldeari (22 puntu). Abenduaren 22an, igandea, Altsasuk sailkapenean seigarren den Burlades izango du aurkari, 20:00etan, Ripagainan.