EH Bilduren III. Kongresuan finkatu zen bi ganberako zuzendaritza-sistema izango duela koalizioak Nafarroan: Mahai Politikoa eta Idazkaritza. Kongresuaren baitan Hegoaldeko zuzendaritza osatu ondoren, Nafarroako organoen osaera berritu dituzte bilkideek, martxoaren 13tik eta 15a bitartean egin den bozketa prozesuan. %95,35eko babesa jaso du, Nafarroa Garaiko Mahai Politikoaren abalarekin, Miren Zabaleta arduradun politikoak Idazkaritzarako egindako hautagaitzak. Nafarroako Mahai Politikoko hamalau kideen artean dago Bel Pozueta Fernandez altsasuarra, Madrilgo Kongresuko Nafarroako diputatua.