Altsasuko gaztetxean bertsotan

Martxoaren 22an, larunbata, Gaztetxeak Bertsotan egitasmoaren kanporaketa saioa izanen da, Altsasuko Gaztetxean. Eguna borobiltzeko Partxis eta Pintxazo txapelketak antolatu ditu AGAk, 17:30etik aurrera, eta afaltzeko hanburgesak prestatuko ditu (aurretik eskatuta). 21:30ean Gaztetxeak Bertsotan-en saioa hasiko da: Aitor Tatiegi eta Suhar Gesalaga, Elixabet Etxandi eta Euskene de los Aires, eta Haira Aizpurua eta Nahia Etxeberri bertsolariek parte hartuko dute, eta Nahia Miguel izanen da gai jartzailea.